Astana ákimi Áset Isekeshev Prezident Nursultan Nazarbaevqa eski jáne apatty úilerdi buzý boiynsha qanatqaqty jobany júzege asyrý jaiynda baiandady, dep habarlaidy Ult.kz tilshisi QazAqparat agenttigine silteme jasap.
«Qazirgi kezde 117 eki qabatty úi buzyldy. Jyl sońyna deiin 228-i súrilip tastalady jáne turǵyndardy jańa úilerge kóshirý jolymen 6 700 páter salynady. Jinaqtalǵan tájiribeni, sondai-aq bul baǵdarlamanyń biyl aiaqtalatynyn eskere otyryp, ony qalalyq ortany qaita jańartý baǵdarlamasyna eki baǵyt boiynsha masshtabtaýdy usynamyz», - dedi ákim Astanany damytýǵa arnalǵan keńeste.
Bul baǵyttaǵy usynystar maquldanǵan jaǵdaida, baǵdarlamaǵa sáikes, jeke turǵyn úiler men saiajailar súriletin bolady. Olardyń ornyna qazirgi zamanǵy jaily úiler salynady dep josparlanýda.
