QR Tuńǵysh Prezidenti Qorynyń Atqarýshy direktory Áset Isekeshev «El Umiti» bastamasynyń Qamqorshylar keńesiniń múshelerin tanystyrdy.
Bul týraly ol óziniń Facebook-tegi paraqshasynda jazdy, dep habarlaidy QazAqparat.
«Sońǵy birneshe aida bizdiń qor Elbasymyz Nursultan Nazarbaev usynǵan «El Umiti» bastamasy aiasyndaǵy jobalardy belsendi túrde damytýda. Osy jobalar arqyly biz óte mańyzdy mindetti oryndamaqpyz – iaǵni, daryndy oqýshylar men jastarǵa óz qabiletin ashýǵa, tabysty damýdyń jolyn tabýǵa, múmkindik bergimiz keledi. Sizderge jobalardy ázirleý men iske asyrýdy úilestiretin «El Umiti» bastamasynyń Qamqorshylar keńesin tanystyrǵym keledi. Onyń quramyna bilim berý, IT jáne innovatsiia salasyndaǵy otandyq jáne sheteldik sarapshylar kirdi. Seriktesterimizge - Úkimetke, jergilikti atqarýshy organdar, halyqaralyq jáne otandyq úkimettik emes uiymdar, táýelsiz sarapshylarǵa - bizge jan-jaqty qoldaý kórsetkeni úshin alǵys aitamyn», dep jazdy.
Sondai-aq ol jelidegi kelesi posttarda «El Úmiti» bastamasynyń ár baǵyty týraly egjei-tegjeili jazatynyn aitty.
