Eýraziialyq ekonomikalyq odaq elderinde iri jáne ózekti investitsiialyq jobalar tapshylyǵy bar. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Elderimiz 2025 jylǵa deiingi ónerkásip yntymaqtastyǵynyń baǵdarlamalyq baǵyttaryn júzege asyrý jónindegi is-sharalar josparynyń jobasyn maquldaǵan. Bul baǵytta Resei Federatsiiasymen júieli yntymaqtastyǵymyz bar. Tek sońǵy 2 jyldyń ishinde ǵana birqatar iri ónerkásiptik joba júzege asyryldy. Atap aitqanda, «Lýkoilmen» birge mailaǵysh materialdaryn óndirý zaýyty, «KamAZ-ben» birge avtomobildiń bólshekterin shyǵaratyn eki joba, «Tatneftpen» birge shina shyǵaratyn zaýyt jáne ózge de birqatar mańyzdy joba bar», - dedi Qasym-Jomart Toqaev Joǵary Eýraziialyq ekonomikalyq keńes otyrysynda.
Alaida, Memleket basshysynyń atap ótýinshe, odaqtyń basqa elderimen ónerkásiptik yntymaqtastyqtyń áleýeti áli tolyq ashylmai otyr.
«Iri jáne ózekti investitsiialyq jobalar tapshylyǵy bar. Úkimetterge integratsiialyq ózara is-qimyldyń osy vektoryn kúsheitý týral tapsyrma berý durys bolady dep sanaimyn», - dedi Qasym-Jomart Toqaev.
