Qazaqstandyqtarǵa iri qalalar tóńiregine blokposttar qoiylatyndyǵy týraly jalǵan aqparat taraǵandyǵy eskertildi, dep habarlaidy StopFake.kz portaly.
Atalǵan portalda taratylǵan aqparatta qazaqstandyqtar bir-birine 9 mamyrdan bastap elimizde qatań karantin sharalary engiziletindigi jáne iri qalalardyń tóńiregine blokposttar qoiylatyndyǵy týraly habarlamalardy taratyp jatqandyǵy aitylǵan. Habarlamada dálel retinde televiziialyq jańalyqtar toptamasynan úzindi keltiriledi. Shyndap kelgende bul habarlama - feik, al jańalyqtyń ózi ótken jylǵy.
WhatsApp arqyly taratylyp jatqan jańalyqtar shyǵarylymynyń úzindisinde 2020 jyldyń 7 qarashasy dep naqty data kórsetilgen. Sonymen qatar jańalyqty «Habar 24» emes, «MIR 24» telearnasynyń tilshileri túsirgen. Kadrda diktor naqty aidy atamai tek «9-y kúninen bastap qaladan shyǵýǵa jáne kirýge tyiym salynatyndyǵyn» aitady. Osylaisha, atalǵan habarlamadaǵy 9 mamyr delingen data oidan shyǵarylǵan.
