Iran Syrtqy ister ministrliginiń resmi ókili Abbas Mýsavi Tegeranda qulaǵan Ýkraina ushaǵynda qaitys bolǵandardyń isi boiynsha Konsýldyq máseleler jónindegi jumys toby qurylǵanyn habarlady.
Bul týraly Irannyń Irna agenttigi habarlady.
Aita keteiik, Kievke ushyp bara jatqan «Ýkraina halyqaralyq áýe jelisi» kompaniiasynyń Boeing 737-800 ushaǵy 8 qańtarda sársenbi kúni Tegeran áýejaiynan ushyp shyqqan soń apatqa ushyrady. Ushaqta bolǵan 176 adam túgel mert boldy. 167 jolaýshynyń arasynda Iran, Ýkraina, Kanada, Germaniia, Shvetsiia jáne Aýǵanstan azamattary bolǵan jáne 9 ekipaj múshesi bar.
Ol Iran Islam Respýblikasynyń saiasi jáne konsýldyq missiiasynyń ókilderi mert bolǵan azamattardyń otbasylarynyń qajettilikterin jiti qadaǵalap otyrǵanyn jáne kómek kórsetýge daiyn ekenderin aitty.
«Iran syrtqy ister ministrliginde ushaq qulaýy kezinde qaza tapqandardyń otbasyna qajetti kómek kórsetetin arnaiy jumys toby quryldy», - dep málimdedi Mýsavi.
