Irannyń soltústik-batysyndaǵy Hoi qalasynda jer silkinisi boldy, dep habarlaidy IRNA.
5,7 magnitýdaly jer silkinisi Iran men Túrkiia arasyndaǵy shekaralyq aimaqta, Gotýr aýdanyna jaqyn mańda bolǵan. Jerasty dúmpýi UTC ýaqytymen 05:52-de tirkeldi.
Epitsentri Irannyń Tebriz qalasynan batysqa qarai 141 shaqyrym qashyqtyqta jáne Túrkiianyń Ozalp qalasynan ońtústik-shyǵysqa qarai 71 shaqyrym qashyqtyqta ornalasqan. Tereńdigi – bes shaqyrym. Irandaǵy zilzaladan 70-ten astam adam zardap shekti.
Budan buryn habarlaǵanymyzdai, Iranda bolǵan jer silkinisinen Túrkiianyń Van provintsiiasynda Túrkiianyń 9 azamaty mert bolyp, 37-si jaraqat aldy. Toǵyz adam aýyr halde jatyr.
