Iranda Naýryz meiramynda eldegi keńse ataýly 9 kúnge jabylyp, bári bala-shaǵasyn alyp, týǵan jerine ketedi. Bul týraly Ortalyq kommýnikatsiialar qyzmetinde ótken «Naýryz meiramyn merekeleýdiń jańa tásilderi» taqyrybyndaǵy brifingte aityldy, dep habarlaidy QazAqparat.
«Men Iranda elshi bolǵanmyn. Sol kezde Naýryz meiramy kezinde eldegi keńse ataýly 9 kúnge jabylyp, eshbir adam shetelge shyqpai, bári bala-shaǵasyn alyp, týǵan jerine ketetin. Atqonysyna baryp, týǵan-týystarymen kórisetin», - deidi Memleket jáne qoǵam qairatkeri Myrzatai Joldasbekov.
Onyń aitýynsha, Naýryz meiramyn merekeleý týraly jańa tujyrymdama kóńilinen shyqqan.
«19 naýryz «Ziiatkerlik kúni» dep belgilenipti. Maqal-mátel, jumbaq, jańyltpash, jyrlar men epostardan úzindiler oqý jyl boiy jalǵasyn tabýy kerek dep oilaimyn. Qazirgi ýaqytta ulttyq taǵamdar umytyla bastady, onyń osy tujyrymdamaǵa kirgeni meni qýantyp otyr», - deidi ol.
