Irandaǵy munai óńdeý zaýytyndaǵy órt jaǵdaiy tolyq baqylaýda, eldegi munai óńdeý salasynyń ónimderin shyǵarýda irkilis bolǵan joq. Bul týraly IRNA agenttigi habarlady.
Tegerandaǵy munai óńdeý zaýytynda bolǵan iri órt sársenbi keshinde bastalǵan. Tilsiz jaýdy aýyzdyqtaýǵa órt sóndirý komandalary jiberildi. Oqiǵa ornyna kelgen Iran munai ministri Bijan Zangane órttiń MÓZ-diń eki rezervýarynan munaidyń kemýi saldarynan shyqqanyn málim etti. Ol rezervýarlardyń óndiristik protseste úlken ról oinamaǵanyn aitty.
Iran ministri jaǵdaidyń qaýip týdyrtyp jatpaǵanyn aityp, «árine, rezervýarlarda kóptegen aýyr kómirsýtekter bar, olardan kóp tútin shyǵady, biraq tútinniń kóp shyǵýy mańyzdy birdene bolǵanyn bildirmeidi» dep qosty. Zangane MÓZ óndirisin erteńnen bastap qalpyna keltirýi múmkin ekenin aitty.
Tegeran munai óńdeý zaýyty – eldegi eń iri MÓZ biri bolyp tabylady, ol Irannyń munai óńdeý qýattylyqtarynyń shamamen 15 paiyzyn qamtamasyz etýde. Zaýyt benzin, dizel otynyn, gazoil, mazýt jáne basqa ónimderdi óndiredi. Ol Tegeran provintsiiasynyń ońtústik bóliginde ornalasqan.
