Irannyń Syrtqy ister ministrliginiń resmi ókili Said Hatibzade Parsy shyǵanaǵy men Oman teńizindegi kemelerdiń qaýipsizdigi týraly jańalyqty óte kúdikti dep tanyp, arnaiy saiasi múddeler úshin jalǵan atmosfera qurylýy múmkin ekenin eskertti, dep habarlaidy "Ult aqparat".
IRNA aqparat agenttiginiń habarlaýynsha, Said Hatibzade Parsy shyǵanaǵy men Oman teńizindegi turaqtylyq pen qaýipsizdikti ornatý jáne qoldaý boiynsha Iran Islam Respýblikasynyń saiasatyn rastady.
«Iran Áskeri-teńiz kúshteri qajet bolǵan jaǵdaida aimaqtaǵy tranzittik kemelerge kómek kórsetý arqyly áskeri-teńiz qyzmetterin usynýǵa daiyn», - dedi ol.
Hatibzade sondai-aq: «Saýda kemeleriniń navigatsiialyq júielerinde problemalar týyndaǵan jaǵdaida Iran Islam Respýblikasy kómek kórsetýge jáne bul máseleni muqiiat zerdeleýge daiyn», - dep málimdedi.
Buǵan deiin Britandyq aqparat kózderi Iran áskeri kúshteriniń nemese olardyń qol astyndaǵylardyń Asphalt Princess tankerin basyp alýy múmkin dep boljaǵan, dep habarlaidy Reuters.
Buǵan deiin Britandyq teńiz kóligi agenttigi BAÁ-niń El-Fýdjaira ámirliginiń jaǵalaýyna jaqyn jerde «múmkin bolatyn urlyq» týraly habarlaǵan bolatyn.
The Times gazetiniń qorǵanys jónindegi redaktory óziniń Twitter-degi paraqshasynda Britandyq aqparat kózderiniń Asphalt Princess tankerin basyp alýy múmkin ekenin habarlaǵany týraly jazdy. Olar Iran áskeri kúshteri nemese olardyń qol astyndaǵylardy kemege kóterildi dep boljaidy.
