Irannyń Azamattyq aviatsiia uiymynyń ókili Reza Djafarzade koronavirýstyń taralýyna jol bermeý úshin Qytaiǵa jáne keri qarai ushatyn barlyq jolaýshylar reisiniń toqtatylǵany týraly málimdedi, dep habarlaidy IRNA agenttigi.
«Qytaiǵa ushatyn jolaýshylar reisteri toqtatyldy, biraq júk reisteri koronavirýstyń taralýyn boldyrmaý úshin Densaýlyq saqtaý ministrliginiń baqylaýynda bolady», - dedi ol.
Iran men Qytai arasyndaǵy tikelei reister 31 qańtarda koronavirýstyń taralýyna bailanysty ýaqytsha toqtatyldy.
Eske sala keteiik, Irannyń Densaýlyq saqtaý ministrligi irandyq Kýmda koronavirýstan eki adam ajal qushqanyn habarlaǵan bolatyn. Beisenbi kúni eldiń Densaýlyq saqtaý ministrligi Iranda koronavirýs juqtyrǵan jańa úsh jaǵdai týraly habarlady. Osylaisha aýrý juqtyrǵandar sany bes adamǵa jetti.
Sondai-aq Kým qalasynyń biligi eki adamnyń qaza tabýyna bailanysty sol shahardaǵy mektepter men ýniversitetterdi jabý týraly sheshim qabyldady.
