Iran biligi general Kasem Súleimanidiń ólimine qatysy bar dep aiyptalǵan adamdy ólim jazasyna kesti. Tergeý organdary aiyptalýshy Amerika jáne Izraildiń barlaý qyzmetimen astyrtyn bailanysyp, olarǵa áskeriler týraly (Súleimanidiń qaida ekenin de) málimet satqan dep sanaidy.
Sottyń resmi ókili Ǵolamhýssein Esmaili 9 maýsymda Seied Mahmýd Mýsavi-Madjdi ólim jazasyna kesý úkimi jaqynda oryndalatynyn aitty.
Iran Islam revoliýtsiiasy saqshylar korpýsynyń arnaiy jasaǵy "Ál-Qudysty" basqarǵan Kasem Súleimani 3 qańtarda AQSh áskeriniń áýe soqqysy kezinde Baǵdatta qaza tapqan bolatyn. Tegeran "kek qaitarý úshin" AQSh-tyń Iraktaǵy áskeri bazalaryn atqylaǵan. Ondaǵan áskeri sarbaz jaraqattanǵan.
Eki el arasynda jaǵdai ýshyǵyp turǵan kezde Irannyń áýe qorǵanys júiesi "Boing-737" jolaýshylar ushaǵyn qatelesip atyp túsirgen. Ushaq apatynan 176 adam qaza boldy. Osy aptada Tegeran ushaq apaty isi boiynsha alty adamnyń ustalǵanyn habarlady.
