Áli Bakeri-Kani.
Iran 29 qarashadan bastap Venada álem derjavalarynyń ókilderimen Tegerannyń iadrolyq baǵdarlamalaryna qatysty kelisim boiynsha kelissóz júrgizetinin málimdedi.
Kelissózderdi bes aidan soń qaita jalǵastyrý jóninde Eýropa Odaǵynyń úilestirýshisi Enrike Moramen telefon arqyly kelisilgen. Bul týraly Tvitterde Iran SIM basshysynyń orynbasary Áli Bakeri-Kani habarlady.
EO syrtqy bailanys qyzmeti taratqan málimdemede Iranmen kelissózderge Ulybritaniia, Qytai, Frantsiia jáne Resei qatysatyny aitylǵan.
"Zańsyz ári aiaýsyz sanktsiialardy joiýdy kózdeitin kelissózderdi 29 qarashada Venada jalǵastyrýǵa kelistik", - dep jazdy Bakeri-Kani. 2018 jyly Vashington Irannyń iadrolyq baǵdarlamasyn shekteýdi kózdeitin kelisimnen shyǵyp, AQSh Tegeranǵa sanktsiia salǵan. Mundai sheshimdi Donald Tramp ákimshiligi qabyldaǵan.
Sodan keiin Tegeran ýrandy baiytý boiynsha halyqaralyq kelisim tártipterin buzyp, kásiporyndaryna ozyq tehnologiialar ornata bastady.
Tramptyń ornyna kelgen Djo Baidan Vashingtonnyń Iranmen aradaǵy kelisimge qosylatynyn málimdedi. Biraq ol úshin Tegeran kelissóz tártipterin tolyq oryndaýy tiis.
Batys elderi Iran iadrolyq qarý jasap jatyr dep oilaidy. Tegeran muny joqqa shyǵaryp otyr.
