Senbiden jeksenbige qaraǵan túni Irak premer-ministri Mýstafa al-Kadimidiń rezidentsiiasyna jarylǵysh zaty bar dron shabýyldaǵan. Bul týraly Irak áskerine silteme jasap VVS jazdy, dep habarlaidy QazAqparat.
Resmi derekkózdiń málimetinshe, premer-ministr zardap shekken joq.
Irak áskerileri premerdiń Baǵdattaǵy «jasyl aimaqtaǵy» rezidentsiiasyna pilotsyz dron arqyly qastandyq jasalǵanyn jetkizdi.
Al-Kadimidiń resmi Twitter-akkaýntynda onyń aman-saý ekeni jazylǵan.
«Allaǵa shúkir, aman-saýmyn. Barlyǵyn Irak úshin sabyrlyq pen tynyshtyqqa shaqyramyn», - delingen postingte.
Shafak Irak agenttiginiń habarlaýynsha, qastandyq kezinde premerdiń úsh kúzetshisi zardap shekken.
Qatań kúzetiletin Baǵdattyń «jasyl aimaǵynda» úkimettik mekemeler men sheteldik elshilikter ornalasqan. «Jasyl aimaqta» turatyn diplomattar Reuters agenttigine jarylys pen oq atylǵan daýysty estigenin aitqan.
