Iraktyń ońtústigindegi Di-Kar provintsiiasy An-Nasiriia qalasyndaǵy koronavirýs juqtyrǵan naýqastarǵa arnalǵan aýrýhanada órtten qaza tapqandardyń sany 124-ke jetti, dep habarlaidy Al Hadath telearnasy.
Buǵan deiin qaiǵyly oqiǵanyń 92 qurbany týraly habarlanǵan bolatyn. Qazirgi ýaqytta marqumdardyń denelerin anyqtaý jumystary júrip jatyr. Provintsiianyń azamattyq qorǵanys bóliminiń málimetinshe, oqiǵa qurbandarynyń deneleri áli de tabylýy múmkin.
Irak premer-ministri Mustafa ál-Kazimidiń aitýynsha, órtke qatysty tergeýdiń aldyn ala nátijeleri bir apta ishinde belgili bolady. Sonymen qatar, Di Kar provintsiiasynyń apelliatsiialyq soty 13 densaýlyq saqtaý salasynyń 13 qyzmetkerin qamaýǵa alýǵa sanktsiia berdi.
Órt dúisenbige qaraǵan túni ottegi ballonynyń jarylysy saldarynan oryn aldy. Oqiǵaǵa bailanysty Saddam at-Tavil provintsiiasynyń densaýlyq saqtaý ministri qyzmetinen ketý ýtýraly ótinish jazdy. Óz kezeginde Irak premer-ministri ál-Kazimi qaiǵyly jaǵdaidyń sebepteri men barlyq jaǵdailaryn tergeý úshin arnaiy komissiia qurýdy tapsyryp, elde qurban bolǵandarǵa aza tutý kúnin jariialady.
