Iordan Hoshimit Koroldiginiń Koroli II Abdalla ibn Hýsein Qazaqstan Prezidenti Qasym-Jomart Toqaevqa «Bek Air» kompaniiasy ushaǵynyń qulaýyna bailanysty kóńil aitý jedelhatyn joldady, dep habarlaidy "Ult aqparat" Iordaniianyń «Petra» memlekettik aqparat agenttigine silteme jasap.
Uly mártebeli II Abdalla ibn Hýsein al-Hashimi óziniń jedelhatynda Qazaqstan Prezidenti men qaiǵyly jaǵdaidan ajal qushqan azamattardyń otbasyna shyn nietpen kóńil aitty.
Korol ushaq apatynan zardap shekken Qazaqstan azamattarynyń tezirek saýyǵyp ketýin tiledi.
Aita keteiik, 27 jeltoqsanda Almaty-Nur-Sultan baǵytymen ushyp bara jatqan Bek Air kompaniiasynyń 2100 reisi kenet apatqa ushyrap, beton qorshaýdy buzyp ótti. Artynan ushaq ekiqabatty ǵimaratpen soqtyǵysyp, 12 adam qaza boldy.
Osy oqiǵaǵa bailanysty QR Prezidenti Qasym-Jomart Toqaev 2019 jyldyń 28 jeltoqsanyn jalpyulttyq aza tutý kúni dep jariialady.
