يوردان حوشيميت كورولدٸگٸنٸڭ كورولٸ II ابداللا يبن حۋسەين قازاقستان پرەزيدەنتٸ قاسىم-جومارت توقاەۆقا «Bek Air» كومپانيياسى ۇشاعىنىڭ قۇلاۋىنا بايلانىستى كٶڭٸل ايتۋ جەدەلحاتىن جولدادى, دەپ حابارلايدى "ۇلت اقپارات" يوردانييانىڭ «پەترا» مەملەكەتتٸك اقپارات اگەنتتٸگٸنە سٸلتەمە جاساپ.
ۇلى مەرتەبەلٸ II ابداللا يبن حۋسەين ال-حاشيمي ٶزٸنٸڭ جەدەلحاتىندا قازاقستان پرەزيدەنتٸ مەن قايعىلى جاعدايدان اجال قۇشقان ازاماتتاردىڭ وتباسىنا شىن نيەتپەن كٶڭٸل ايتتى.
كورول ۇشاق اپاتىنان زارداپ شەككەن قازاقستان ازاماتتارىنىڭ تەزٸرەك ساۋىعىپ كەتۋٸن تٸلەدٸ.
ايتا كەتەيٸك, 27 جەلتوقساندا الماتى-نۇر-سۇلتان باعىتىمەن ۇشىپ بارا جاتقان Bek Air كومپانيياسىنىڭ 2100 رەيسٸ كەنەت اپاتقا ۇشىراپ, بەتون قورشاۋدى بۇزىپ ٶتتٸ. ارتىنان ۇشاق ەكٸقاباتتى عيماراتپەن سوقتىعىسىپ, 12 ادام قازا بولدى.
وسى وقيعاعا بايلانىستى قر پرەزيدەنتٸ قاسىم-جومارت توقاەۆ 2019 جىلدىڭ 28 جەلتوقسانىن جالپىۇلتتىق ازا تۇتۋ كٷنٸ دەپ جارييالادى.
