Aýyl sharýashylyǵynyń negizgi kapitalyna salynǵan investitsiialar kólemi 75,2 paiyzǵa ulǵaidy. Bul týraly Úkimet otyrysynda Aýyl sharýashylyǵy ministri Saparhan Omarov biylǵy qańtar aiynda jalpy aýyl sharýashylyǵy óniminiń kórsetkishterin baiandaý kezinde málim etti, dep habarlaidy "Ult aqparat".
«Kórsetilgen kezeńde tamaq ónimderin óndirý kólemi 0,8 paiyzǵa, 142,1 mlrd teńgeni qurady. Bul rette, ósimdik maiyn óndirý kóleminiń 26,7 paiyzǵa, qyzylsha qantynyń 25,1 paiyzǵa, sary maidyń 16,3 paiyzǵa, jarmanyń 11,3 paiyzǵa, óńdelgen súttiń 3,2 paiyzǵa, óńdelgen kúrishtiń 2,3 paiyzǵa, irimshik jáne súzbeniń 0,8 paiyzǵa artqany baiqaldy», - dedi ministr.
Onyń aitýynsha, aýyl sharýashylyǵynyń negizgi kapitalyna salynǵan investitsiialar kólemi 75,2 paiyzǵa ulǵaiyp, 19,9 mlrd teńgeni, tamaq ónimderi óndirisine salynǵan investitsiialar 11,2 paiyzǵa artyp, 3,5 mlrd teńgeni qurady.
