Foto: egemen.kz
Internet keńistigi men kommýnikatsiialyq resýrstardyń (áleýmettik jeliler, chat-rýletka, messendjerler) damýyna bailanysty bizdiń azamattarymyz onlain-áńgimelesý barysynda (onyń ishinde sheteldik paidalanýshylarmen) qazaqstandyq zańnamanyń talaptaryn buzǵan jaǵdailar týyndaidy, dep habarlaidy «Ult aqparat» IIM baspasóz qzymetine silteme jasap.
Atap aitqanda, azamattardyń ulttyq, násildik jáne dini sezimderin qozǵaityn separatistik, ekstremistik sipattaǵy málimdemelerge jol beriledi.Kórsetilgen quqyq buzýshylyqtar úshin QR Qylmystyq kodeksinde qylmystyq jaýaptylyq sharalary kózdelgen.
Máselen, áleýmettik, ulttyq, rýlyq, násildik, taptyq nemese dini alaýyzdyqty qozdyrǵany úshin (QR QK 174-baby) 2 myńnan 7 myń AEK (7 mln. teńgeden 26 mln. teńgege deiin) mólsherinde aiyppul ne 2 jyldan 7 jylǵa deiingi merzimge bas bostandyǵyn shekteý ne bas bostandyǵynan aiyrý túrindegi jaýapkershilik kózdelgen sol merzim.
Separatistik qyzmet (QR QK 180-baby) 1 myńnan 5 myń AEK (3,5 mln.teńgeden 18,5 mln. teńgege deiin) mólsherinde aiyppul salýǵa ne 7 jylǵa deiingi merzimge bas bostandyǵyn shekteýge ne sol merzimge bas bostandyǵynan aiyrýǵa jazalanady.
Jyldyń basynan bastap Internet keńistigine monitoring júrgizý barysynda 12 beinerolik anyqtaldy, onda sheteldik paidalanýshylar qazaqstandyqtardy ulttyq alaýyzdyq pen separatizmniń tutaný belgileri bar málimdemelerge itermeleidi.
6 fakti boiynsha 6 qylmystyq is qozǵaldy. Taǵy 6 fakt boiynsha qatysýshylarmen qylmystyq-quqyqtyq yqpal etý sharalaryn túsindirýmen profilaktikalyq áńgimeler ótkizildi.
Osyǵan bailanysty, IIM azamattardy ulttyq jáne qoǵamdyq qaýipsizdikke qol suǵýshylardyń sózderin boldyrmaý bóliginde QR zańnamasyn qatań saqtaýǵa shaqyrady.
