Tsifrlyq resýrstar úide de, mektepte de bárine tegin qoljetimdi bolady. Bul týraly Ortalyq kommýnikatsiialar qyzmetinde Bilim jáne ǵylym ministri Erlan Saǵadiev málim etti, dep habarlaidy QazAqparat.
«Tsifrlyq bilim berý resýrstary belsendi qoldanylýda. Ár pán boiynsha resýrstar mektepterge 100 paiyz jetkizildi, eńdi muǵalimder ony tiimdi paidalana bilýi qajet. Ministrlik usynysymen jańa oqý jylynan bastap ár balaǵa jeke login beriledi. Endi tsifrlyq resýrstar úide de, mektepte de bárine tegin qoljetimdi bolady», - dedi ministr.
Budan bólek E. Saǵadiev mektepterdegi elektrondy qujattar máselesine jeke toqtaldy.
«Mektepterge kelsek, elektrondy qujattardy keń jolaqty interneti joq mektepterde ǵana qaǵaz túrinde toltyrýǵa ruqsat beriledi. Tsifrlandyrýdy, iaǵni IT tehnologiialar men robototehnikany damytý úshin qosymsha bilim berýdiń múmkindikterin paidalaný kerek. Jergilikti atqarýshy organdar robototehnika, baǵdarlamalaý, 3D-printing synyptaryn ashýda. Qazirgi ýaqytta bir jarym myń mektepte osyndai synyptar bar. Sonymen qatar, barlyq óńirlerde IT-litseilerin ashý josparlanýda. Ol úshin biz tiisti normativti daiyndap berdik», - dedi vedomstvo basshysy.
