QR Ishki ister ministrligi Facebook-tegi paraqshasynda internet alaiaqtardyń arbaýyna túsip qalmaýdyń joldaryn kórsetti, dep habarlaidy "Ult aqparat".
Vedomstvo málimetinshe, alaiaqtar arbaýyna túsiretin qurbandaryn negizinen jyljymvaityn múlik pen kólik satý jarnamalary jariialanatyn saittardan izdeidi.
«Qaskúnemder páter nemese kólik satý saittarynan qurbandaryn tańdap alǵannan keiin olarǵa telefon arqyly habarlasyp, múlkin satyp alýǵa jáne kepil aqsha jiberýge daiyn ekendikterin aitady. Aldaý arqyly senimge kirgennen keiin satyp alýshynyń tólem kartasyndaǵy «internet-banking» qyzmetin qosýdy usynady jáne bul rette ózderiniń telefon nómirlerin beredi. Al alaiaqtyń qurbany bolsa bank kartasy men onda esepshottaǵy barlyq aqsha qarjatyn basqarý múmkindigin beredi», - dedi politsiiadan.
Osyǵan orai ishki ister departamenti azamattarǵa barynsha saq bolýǵa jáne karta esepshottarynyń jeke málimetteri men pin-kodtaryn eshkimge bermeýge, júzege asyrmaǵan bank kartasy arqyly operatsiialardy rastamaýǵa, anonimdi tólem júiesi arqyly belgisiz adamdarǵa aqsha aýdarmaýǵa, kompiýterde nemese uialy telefonda kúdikti baǵdarlamalar men qosymshalardy paidalanbaýǵa keńes beredi.
«Eger Siz alaiaqtardyń qurbany bolsańyz, onda shotyńyzdaǵy aqsha qarajatyńyzdy saqtap qalý úshin eń aldymen óz bankińizdiń bailanys ortalyǵyna júginýińiz qajet. Sonymen qatar qalalyq politsiia departamenti habarlasyńyz», - dep atap ótedi departamentten.
