Foto: baq.kz
Pavlodar óńirinde «Anti-Fraud» jedel-profilaktikalyq is-sharasy jalǵasýda. Onyń basty maqsaty — internet arqyly jasalatyn alaiaqtyq áreketterdi anyqtap, olardyń aldyn alý, dep habarlaidy Ult.kz.
Jedel qyzmetkerlerdiń nátijeli jumysynyń arqasynda internet paidalanýshylaryna qatysty 98 alaiaqtyq deregi áshkerelenip, joly kesildi.
Sońǵy operatsiialardyń biri barysynda Pavlodar qalasynda alaiaqtyq shemalarǵa qatysy bar alty adam ustaldy. Olar SIM-kartalardy rásimdep, «WhatsApp» messendjerinde akkaýnttar tirkep, keiin bul akkaýnttardy úshinshi tulǵalarǵa bergen. Atalǵan akkaýnttar azamattarǵa qońyraý shalý arqyly aldaý maqsatynda paidalanylǵan.
Politsiia mundai áreketter qylmystyq jaýapkershilikke ákeletinin eskertedi. Iri kompaniialar eshqashan bank kartasynyń derekterin suramaidy. Sondai-aq «SMM ilgeriletý úshin nómir jalǵa berý» týraly usynystar – alaiaqtyq shemanyń bir túri.
Tártip saqshylary turǵyndardy saq bolýǵa, ásirese egde jastaǵy týystarǵa túsindirý jumystaryn júrgizýge shaqyrady.
Aita keteiik, «Anti-Fraud» is-sharasy 30 sáýirge deiin jalǵasady. Buǵan deiin Almatyda da telefon alaiaqtyǵyna qatysy bar qylmystyq top ustalǵan bolatyn.
