Innovatsiia deńgeii boiynsha álem elderiniń 2020 jylǵy reitinginde Qazaqstan 131 memlekettiń arasynda 77-oryndy ielendi, dep habarlaidy "Ult aqparat" ranking.kz saityna silteme jasap.
QR indeksi 28,6-ny qurady. Bul Qyrǵyzstanǵa qaraǵanda kóp, biraq Resei, Armeniia jáne Belarýs siiaqty EAEO elderine qaraǵanda az.
Reitingini Shveitsariia, Shvetsiia jáne AQSh bastap tur.
Innovatsiialar deńgeii boiynsha reiting álem elderiniń innovatsiialyq damý kórsetkishteriniń neǵurlym tolyq keshenin bildiredi. Innovatsiialar indeksi ekonomikalyq damýdyń túrli deńgeiindegi elderdiń innovatsiialyq damýyn egjei-tegjeili sipattaityn ártúrli 80 aýyspaly kórsetkishti qamtidy.
Indekste kórsetkishterdiń eki toby baǵalanady:
• innovatsiialardy júrgizý úshin qolda bar resýrstar men jaǵdailar (Innovation Input);
• innovatsiialardy júzege asyrýdyń qol jetkizilgen praktikalyq nátijeleri (Innovation Output).
Qazaqstan atalǵan kórsetkishterdiń 1-toby boiynsha reitingide 131-den 60-oryndy,2-top boiynsha 94-oryndy ielendi.
Innovatsiialardyń damý deńgeiin sipattaityn barlyq 80 kórsetkish 7 iri sanatqa biriktiriledi. Olardyń ishinde QR-da «institýttar» (institýtsionaldyq qurylym) sanatynda eń joǵary kórsetkish bar: munda el indeksi 69-dy qurady. «Institýttar» sanaty biznesti, saiasi ortany jáne normativtik-quqyqtyq bazany baǵalaidy.
Qazaqstandaǵy eń tómen kórsetkish – «shyǵarmashylyq nátijeler» sanaty boiynsha: munda indeks nebári 12,9-dy qurady (reitingtiń 105-shi joly). Bul sanat materialdyq emes aktivterdi, shyǵarmashylyq taýarlardy, sondai-aq qyzmetter men internet-shyǵarmashylyqty eskeredi.
