يننوۆاتسييا دەڭگەيٸ بويىنشا ەلەم ەلدەرٸنٸڭ 2020 جىلعى رەيتينگٸندە قازاقستان 131 مەملەكەتتٸڭ اراسىندا 77-ورىندى يەلەندٸ, دەپ حابارلايدى "ۇلت اقپارات" ranking.kz سايتىنا سٸلتەمە جاساپ.
قر يندەكسٸ 28,6-نى قۇرادى. بۇل قىرعىزستانعا قاراعاندا كٶپ, بٸراق رەسەي, ارمەنييا جەنە بەلارۋس سيياقتى ەاەو ەلدەرٸنە قاراعاندا از.
رەيتينگٸنٸ شۆەيتسارييا, شۆەتسييا جەنە اقش باستاپ تۇر.
يننوۆاتسييالار دەڭگەيٸ بويىنشا رەيتينگ ەلەم ەلدەرٸنٸڭ يننوۆاتسييالىق دامۋ كٶرسەتكٸشتەرٸنٸڭ نەعۇرلىم تولىق كەشەنٸن بٸلدٸرەدٸ. يننوۆاتسييالار يندەكسٸ ەكونوميكالىق دامۋدىڭ تٷرلٸ دەڭگەيٸندەگٸ ەلدەردٸڭ يننوۆاتسييالىق دامۋىن ەگجەي-تەگجەيلٸ سيپاتتايتىن ەرتٷرلٸ 80 اۋىسپالى كٶرسەتكٸشتٸ قامتيدى.
يندەكستە كٶرسەتكٸشتەردٸڭ ەكٸ توبى باعالانادى:
• يننوۆاتسييالاردى جٷرگٸزۋ ٷشٸن قولدا بار رەسۋرستار مەن جاعدايلار (Innovation Input);
• يننوۆاتسييالاردى جٷزەگە اسىرۋدىڭ قول جەتكٸزٸلگەن پراكتيكالىق نەتيجەلەرٸ (Innovation Output).
قازاقستان اتالعان كٶرسەتكٸشتەردٸڭ 1-توبى بويىنشا رەيتينگٸدە 131-دەن 60-ورىندى,2-توپ بويىنشا 94-ورىندى يەلەندٸ.
يننوۆاتسييالاردىڭ دامۋ دەڭگەيٸن سيپاتتايتىن بارلىق 80 كٶرسەتكٸش 7 ٸرٸ ساناتقا بٸرٸكتٸرٸلەدٸ. ولاردىڭ ٸشٸندە قر-دا «ينستيتۋتتار» (ينستيتۋتسيونالدىق قۇرىلىم) ساناتىندا ەڭ جوعارى كٶرسەتكٸش بار: مۇندا ەل يندەكسٸ 69-دى قۇرادى. «ينستيتۋتتار» ساناتى بيزنەستٸ, ساياسي ورتانى جەنە نورماتيۆتٸك-قۇقىقتىق بازانى باعالايدى.
قازاقستانداعى ەڭ تٶمەن كٶرسەتكٸش – «شىعارماشىلىق نەتيجەلەر» ساناتى بويىنشا: مۇندا يندەكس نەبەرٸ 12,9-دى قۇرادى (رەيتينگتٸڭ 105-شٸ جولى). بۇل سانات ماتەريالدىق ەمەس اكتيۆتەردٸ, شىعارماشىلىق تاۋارلاردى, سونداي-اق قىزمەتتەر مەن ينتەرنەت-شىعارماشىلىقتى ەسكەرەدٸ.
