«Bolashaq» qory jýrnalister men áleýmettik jeli paidalanýshylary arasynda inkliýzivti bilim berýdi jariialaý boiynsha úzdik materialǵa jyl saiynǵy baiqaýdy bastady, dep habarlaidy "Ult aqparat".
Konkýrs 5 atalym boiynsha ótkiziledi: televiziialyq jumys, áleýmettik rolik, baspasóz betindegi jariialanym, internet-maqala jáne internet-jariialanym/post.
Ótinimder 2021 jylǵy 1 naýryzǵa deiin qabyldanady. Jeńimpazdardyń esimderi Dúniejúzilik aýtizm máselesi týraly aqparat taratý kúni, iaǵni 2021 jylǵy 2 sáýirde jariialanatyn bolady.
Konkýrs arqyly uiymdastyrýshylar damý erekshelikteri bar balalardy áleýmettik beiimdeýdiń praktikasy men sátti tájiribesin atap ótip, azamattardy inkliýzivti bilim berýdiń mindetteri men artyqshylyqtary týraly aqparattandyrý protsesine jýrnalister men áleýmettik jeli paidalanýshylardy tartýǵa tyrysady.
Qazylar alqasynyń quramyna belgili jýrnalister, media jetekshileri jáne janashyr azamattar kirdi.
Baiqaýdyń jalpy júlde qory – 1 500 000 teńge.
