Elimizde agroónerkásip keshenin sýbsidiialaý júiesi qaita qaralady. Bul týraly búgin Úkimet otyrysynda QR Ulttyq ekonomika ministri Álibek Qýantyrov aitty, dep habarlaidy QazAqparat.
«2022 jylǵy 11 qańtarda Májilis otyrysynda sóilegen sózinde Memleket basshysy Úkimetke Ulttyq bankpen birlesip, infliatsiiany baqylaý boiynsha is-sharalar keshenin ázirleýdi tapsyrdy. Memleket basshysynyń tapsyrmalaryn oryndaý aiasynda Úkimet kelesi is-sharalardy qabyldady: kommýnaldyq qyzmetter tarifteriniń artýy toqtatyldy; Qazaqstan aýmaǵynan keibir taýarlardy áketýge tyiym salyndy; janar-jaǵarmai materialdaryna shekti baǵalar belgilendi jáne benzindi, dizel otynyn jáne munai ónimderiniń jekelegen túrlerin 6 ai merzimge áketýge tyiym salyndy»,- dedi ministr.
Onyń atap ótýinshe, Memleket basshysynyń tapsyrmalaryn ári qarai oryndaý aiasynda taýarlardyń fizikalyq qoljetimdiligin jaqsartý, baǵalyq retteý, memlekettik baqylaý engizý boiynsha birqatar sharany, sondai-aq de infliatsiiany tómendetý boiynsha júieli is-sharalardy júzege asyrý usynylady.
«Birinshi baǵyt aiasyndaǵy is-sharalar kóktemgi egis jumystaryn qarjylandyrýdy ulǵaitýdy, agroónerkásip keshenin sýbsidiialaý tetigin jetildirýdi, birqatar salalarda import almastyratyn jobalardy iske asyrýdy jáne basqa da is-sharalardy qamtidy. Ekinshi baǵyt aiasyndaǵy is-sharalar energetikalyq jáne kommýnaldyq-turmystyq kómirge baǵalyq retteýdi engizýdi, kommýnaldyq qyzmetterge baǵalardy arttyrýǵa moratorii engizýdi, shekti baǵalardyń boljamdy dálizin aiqyndaýdy kózdeidi», - dedi ol.
Ministr úshinshi baǵyt aiasyndaǵy is-sharalar belgili bir naryqtardaǵy baǵalar monitoringiniń nátijeleri boiynsha monopoliiaǵa qarsy den qoiý sharalaryn qabyldaýdy, munai jáne munai ónimderi naryǵyndaǵy deldaldyq býyndy qysqartýdy jáne birjalyq saýdany damytýdy qamtitynyn aitty.
«Júieli is-sharalar aiasynda tutyný qorjynyna kiretin aýyl sharýashylyǵy ónimderiniń negizgi túrlerin jáne basqa da azyq-túlik taýarlaryn tutynýdyń/óndirýdiń boljamdy teńgerimin qurý, monitoring nátijeleri boiynsha jedel den qoiý is-sharalaryn qabyldaý josparlanýda. Qabyldanǵan is-sharalardy júzege asyrý nátijesinde taýarlar defitsitin boldyrmai otyryp, infliatsiiany jáne onyń komponentterin maqsatty dárejede ustap qalý kútilýde. Memlekettik qoldaý is-sharalaryna qol jetkizýdiń tiimdiligi men ashyqtyǵyn arttyrý maqsatynda olardy alýshylardyń qarsy mindettemelerin belgilei otyryp, agroónerkásiptik keshendi sýbsidiialaý júiesi qaita qaralady. Qabyldanyp jatqan is-sharalar baǵany birtindep turaqtandyrýǵa jáne biznes ahýaldy, onyń ishinde investitsiialyq ahýaldy jaqsartýǵa yqpal etetin bolady», - dedi Álibek Qýantyrov.
