Foto: primeminister.kz
Azamat Beiisbekov indýstriia jáne infraqurylymdyq damý vitse-ministri qyzmetine taǵaiyndaldy, - dep habarlaidy "Ult aqparat" QR Premer-ministriniń baspasóz qyzmetine silteme jasap.
"QR Úkimetiniń qaýlysy boiynsha, Azamat Ómirzaquly Beiisbekov QR indýstriia jáne infraqurylymdyq damý vitse-ministri qyzmetine taǵaiyndaldy", - delingen habarlamada.
Azamat Beiisbekov 1985 jyly Qaraǵandy qalasynda dúniege kelgen. Bóketov atyndaǵy Qaraǵandy memlekettik ýniversitetin támamdaǵan. Prezidenttik jastar kadr rezerviniń múshesi. Eńbek jolyn 2006 jyly QR Kedendik baqylaý komitetiniń kedendik rásimdeý mamanynyń mindetin atqarýshy bolyp bastaǵan.
2009-2011 jyldary - QR Indýstriia jáne jańa tehnologiialar ministrligi Indýstriialyq saiasat jáne Strategiialyq josparlaý departamentteriniń sarapshysy, bas sarapshysy.
2011-2012 jyldary - QR Premer-Ministri Keńsesiniń Indýstriialyq-innovatsiialyq damý bóliminiń bas sarapshysy.
2012-2015 jyldary QR Prezidenti Ákimshiliginiń Strategiialyq ázirlemeler jáne taldaý ortalyǵynda túrli laýazymdarda jumys istegen.
2015-2020 jyldary - QR Qaýipsizdik Keńesiniń Áskeri qaýipsizdik jáne qorǵanys bóliminiń konsýltanty; inspektory; sektor meńgerýshisi.
2020-2022 jyldary QR Qaýipsizdik Keńesiniń Áskeri qaýipsizdik jáne qorǵanys bólimi meńgerýshisiniń orynbasary boldy.
2022 jylǵy maýsymnan bastap qazirgi ýaqytqa deiin QR Eńbek jáne halyqty áleýmettik qorǵaý ministrligi apparatynyń basshysy bolyp jumys istegen.
Buryn osy laýazymda jumys istegen Erjan Jeksenǵaliuly Myrzabaev bergen ótinishine sáikes qyzmetinen bosatyldy.
