Indýstriia jáne infraqurylymdyq damý ministrliginde kadrlyq taǵaiyndaýlar jasaldy. Bul týraly QR Premer-Ministriniń baspasóz qyzmeti habarlaidy.
Úkimet qaýlylarymen:
-
Qaiyrbek Óskenbaev QR indýstriia jáne infraqurylymdyq damý birinshi vitse-ministri laýazymyna taǵaiyndaldy, ol buǵan deiin atqarǵan qyzmetinen bosatyldy;
-
Berik Qamaliev QR indýstriia jáne infraqurylymdyq damý vitse-ministri bolyp taǵaiyndaldy;
-
Amaniiaz Erjanov QR indýstriia jáne infraqurylymdyq damý vitse-ministri bolyp taǵaiyndaldy.
Q. Óskenbaev 1964 jyly dúniege kelgen. IIM Qaraǵandy joǵary mektebin, Aqmola agrarlyq ýniversitetin jáne L. N. Gýmilev atyndaǵy EUÝ Diplomatiialyq akademiiasyn támamdaǵan. Eńbek jolyn 1982 jyly bastaǵan. 1982–1993 jyldary ishki ister organdarynda qyzmet etken, Aqmola qalalyq ákimshiliginiń kommýnaldyq menshik bóliminiń meńgerýshisi laýazymyn atqarǵan. 1993–1996 jyldary bas keńesshi zańger, zańdy qamsyzdandyrý jáne baqylaý bóliminiń basshysy, QR memlekettik múlik boiynsha Aqmola aýmaqtyq komitetiniń jekeshelendirý jónindegi biýro direktory retinde jumys istegen. 1996–2006 jyldar aralyǵynda QR jekeshelendirý boiynsha Aqmola oblysy boiynsha Memlekettik komitetiniń basqarma tóraǵasynyń orynbasary, Memlekettik múlikti basqarý boiynsha Aqmola aýmaqtyq komitetiniń tóraǵasy, Aqmola qalasy boiynsha memlekettik múlik jáne jekeshelendirý boiynsha aýmaqtyq komitet tóraǵasy, «Astana qalasynyń kommýnaldyq menshik qory» memlekettik kommýnaldyq kásipornynyń direktory, QR Indýstriia jáne saýda ministrliginiń Saýda jáne týristik qyzmetti retteý komitetiniń tóraǵasy qyzmetterin atqarǵan. 2006–2011 jyldary QR Týrizm jáne sport ministrliginiń Týrizm indýstriiasy jónindegi komitetiniń tóraǵasy jáne Qazaqstan Respýblikasynyń týrizm jáne sport vitse-ministri retinde jumys istegen. 2011–2016 jyldary «20015 áskeri bólimshesi» RMM materialdyq-tehnikalyq qamsyzdandyrýdyń basty basqarmasynyń basshysy, «QazMunaiGaz – Servis» JShS bas direktorynyń orynbasary, QR aimaqtyq damý birinshi vitse-ministri jáne QR ulttyq ekonomika vitse-ministri qyzmetterin atqarǵan. 2016 jyldan bastap qazirgi ýaqytqa deiin «Báiterek» UBH» AQ basqarýshy direktory laýazymyn atqardy. 2018 jylǵy qańtardan qazirgi tańǵa deiin — indýstriia jáne infraqurylymdyq damý vitse-ministri.
B. Qamaliev 1960 jyly Qaraǵandy oblysynda dúniege kelgen. Qaraǵandy politehnikalyq institýtyn, Qaraǵandy memlekettik ýniversitetin, Resei Federatsiiasy prezidenti janyndaǵy Resei memlekettik qyzmet akademiiasyn bitirgen. Túrli jyldary QR Premer-Ministri keńesshisi, QR Kólik jáne kommýnikatsiialar ministrligi transporttyq infraqurylymdy damytý Komitetiniń tóraǵasy bolyp qyzmet etti. 2010 jyldyń sáýirinen 2011 jyldyń sáýiri aralyǵynda - indýstriia jáne jańa tehnologiialar vitse-ministri. Odan soń kólik jáne kommýnikatsiialar ministri bolyp taǵaiyndaldy. Sonymen qatar B. Qamaliev «QazAvtoJol» UK» AQ basqarmasynyń tóraǵasy boldy. 2016 jyldyń 29 sáýirinen bastap «Qazaqstan temir joly» Ulttyq kompaniiasy» AQ infraqurylymdyq jobalar jáne mashinajasaý jónindegi vitse-prezidenti boldy. 2016 jyldyń shildesinen jeltoqsany aralyǵynda QR investitsiialar jáne damý vitse-ministri. 2017 jyly DE MONTFORT UNIVERSITY London ýniversitetinde taǵylymdamadan ótti. 2018 jyldyń qańtarynan qazirge deiin «East Mar Kazakhstan» JShS Direktorlar keńesiniń tóraǵasy laýazymyn atqardy.
A. Erjanov 1960 jyly Batys Qazaqstan oblysynda dúniege kelgen. Jambyl gidromeliorativti-qurylys institýtyn, BLKJO OK janyndaǵy joǵary komsomol mektebin, Qazaq memlekettik basqarma akademiiasyn támamdaǵan. Eńbek jolyn 1982 jyly Oral oblysy Taipaq aýdanynyń Krasnoiarskii keńsharynyń bas injener-gidrotehnigi qyzmetinen bastaǵan. Ár jyldary QR Premer-Ministriniń orynbasarynyń kómekshisi, keńesshisi, QR Memlekettik keden komitetiniń departament direktory, QR Sybailas jemqorlyqqa qarsy kúres jónindegi memlekettik komissiiasynyń sektor meńgerýshisi, Atyraý oblysy boiynsha keden basqarmasynyń basshysy, QR Kedendik baqylaý agenttigi tóraǵasynyń birinshi orynbasary qyzmetterin atqarǵan. 2005–2006 jyldary — QR Prezidenti Ákimshiliginiń memlekettik baqylaý jáne uiymdastyrý jumysy bóliminiń memlekettik inspektory. 2006–2007 jyldary — Qaraǵandy oblysy ákiminiń orynbasary. 2007–2012 jyldary — QR Indýstriia jáne jańa tehnologiialar ministrliginiń Tehnikalyq retteý jáne metrologiia komiteti tóraǵasynyń orynbasary, QR IJTM Ónerkásip komitetiniń tóraǵasy. 2012 jylǵy aqpan men 2017 jylǵy tamyz aralyǵynda — QR Qarjy ministrliginiń Kedendik baqylaý komiteti tóraǵasynyń orynbasary. 2014 jyldyń tamyz aiynan 2017 jyldyń naýryzyna deiin QR Investitsiialar jáne damý ministrliginiń Indýstriialyq damý jáne ónerkásiptik qaýipsizdik komitetiniń tóraǵasy qyzmetin atqardy. 2017 jylǵy naýryz aiynan bastap — QR Premer-Ministri Keńsesiniń indýstriialyq-innovatsiialyq damý bóliminiń meńgerýshisi.
