Belgili jýrnalist Janjigit Omarhan Indýstriia jáne infraqurylymdyq damý ministrliginiń baspasóz hatshysy bolyp taǵaiyndaldy, dep habarlaidy QazAqparat.
Buǵan deiin Janjigit Omarhan Shyǵys Qazaqstan oblysy ákimdiginde BAQ-pen jumys jónindegi qurylymdardy basqarǵan bolatyn.
Jajjigit Omarhan Shákárim atyndaǵy Semei memlekettik ýniversitetinde «Jýrnalistika» jáne «Quqyqtaný» mamandyqtary boiynsha bilim alǵan. Sondai-aq, Qazaq innovatsiialyq gýmanitarlyq-zań ýniversitetin «Memlekettik jáne jergilikti basqarý» mamandyǵ boiynsha támamdaǵan.
L.N. Gýmilev atyndaǵy Eýraziia ulttyq ýniversitetiniń «Jýrnalistika» mamandyǵy boiynsha magistratýrasyn aiaqtaǵan.
Eńbek jolyn 2009 jyly «Astana» telearnasynda bastap, jýrnalist-redaktor jáne baǵdarlamalar júrgizýshisi bolyp jumys istedi.
2011-2015 jyldar aralyǵynda «QAZAQSTAN» ulttyq telearnasy men «Eýraziia - Birinshi arnasynda» baǵdarlamalar men tok-shoýlar júrgizdi.
2016 jyly – «Astana» telearnasynyń «Ózekti» avtorlyq baǵdarlamasynyń jetekshisi jáne júrgizýshisi.
2018-2019 jyldary – Jambyl oblysynyń «Óńirlik kommýnikatsiialar qyzmeti» kommýnaldyq memlekettik mekemesiniń basshysy, «QazAvtoJol» UK» AQ baspasóz qyzmetiniń jetekshisi.
2019 jyldan 2021 jylǵa deiin – Qazaqstan Respýblikasy Aýyl sharýashylyǵy ministriniń baspasóz hatshysy qyzmetin atqardy.
