Indoneziialyq mýzykant Natalino Mella qazaqtyń áigili «Daididaý» ánin kóne aspapqa salyp oryndady, dep habarlaidy "Ult aqparat" dimashnews.com saityna silteme jasap.
2017 jyly Dimash Indonesia Dears fan-klýby barlyq indoneziialyq jankúierdiń rizashylyǵyn bildirý úshin Dimashqa sasando aspabyn syiǵa berýdi sheshken. Solai, indoneziialyq fan-klýb sasandoda kásibi jáne sheber oiynaityn Natalino Mellamen bailanys ornatqan. N.Mellamen jasaǵan mýzykalyq qural 2021 jylǵy 26 mamyrda Nur-Sultan qalasynda ornalasqan Indoneziia Elshiliginde Dimashqa syiǵa tartý etildi.
Málim bolǵandai, sasandony Qazaqstanǵa jiberý úshin indoneziialyq fan-klýb 4 jyl boiy birneshe ret áreket etken. Aqyry syilyq Indoneziia Elshiligine Dimashtyń kelýine bir kún qalǵanda jetkizilgen.
«Al 17 maýsymda indoneziialyq fan-klýb Natalino Melladan kútpegen habarlama aldy. Onda aty ańyzǵa ainalǵan «Daididaý» ánine túsirilgen video qosa jiberilgen. Dimashtyń barlyq jankúierleri úshin súiikti án olardyń dástúrli mýzykalyq aspabynda shyrqalǵanyn estý Dears-qa úlken mártebe boldy», - delingen saitta.
Sasando – Indoneziianyń Roti aralynan shyqqan dástúrli mýzykalyq aspap. Ol bambýk tútiginen jasalǵan. Onyń ishekteri arfadaǵydai saýsaqpen shertiledi. Sasandonyń kóptegen túrleri bar, olardyń árqaisysy qolmen jasalǵan jáne ózinshe erekshelenedi.
«Dimashqa syiǵa tartylǵan sasando 45 ishekti jáne onyń arnaiy tuǵyry bar. Sondai-aq, oǵan osy aspapta oinaý boiynsha oqý quraly tabys etildi», - delingen aqparatta.
