Senbi, 4 qańtarda Indoneziia qutqarý qyzmeti sý tasqynynan zardap shekken eldiń shalǵai aýdandaryna azyq-túlikti tikushaqpen jetkizdi, dep habarlaidy "Ult aqparat" Shannelnewsasia.com saityna silteme jasap.
Tabiǵi apattan qaza tapqandar sany 60 adamǵa jetti. El biligi jaýyn-shashynnyń taǵy da jaýýynan qaýiptenip otyr.
Sý tasqynynan úlken qalalyq konglomerattyń baspanasyna zardap shekken 170 000-nan astam adam evakýatsiialandy. Sońǵy derekter boiynsha Jakartada 30 million adam turady.
Jańa jyl qarsańynda bastalǵan jaýyn-shashynnan Iava aralanyń ońtústik bóligi men aimaǵynda sý tasqyny men kóshkin bolǵan.
Senbi kúni Indoneziia tabiǵi apat zalalyn joiý agenttiginiń ókilderi qaza tapqandar sanynyń 60-qa jetkenin málim etti.
Densaýlyq saqtaý ministrliginiń resmi ókilderi 11 myńǵa jýyq meditsina qyzmetkerleri men sarbazdar A gepatiti, masa arqyly taralatyn denge bezgegi jáne basqa da aýrýlardyń, sonyń ishinde infektsiialardyń aldyn alý úshin dári-dármekter, dezinfektsiialyq quraldar, gigienalyq jiyntyqtar jáne tamaq jetkizý úshin jiberilgenin aitty.
Jakarta qarashanyń aiaǵynda bastalatyn jańbyr maýsymynda sý tasqynynan únemi zardap shegip keledi. Sarapshylardyń aitýynsha, jaǵdai qaladaǵy sý shyǵarý júiesiniń nasharlyǵy jáne halyqtyń tez ósýine bailanysty baspana qurylysynyń kóptiginen kúsheiip jatyr.
Indoneziia prezidenti Djoko Vidodo el astanasyn Borneo aralyna kóshirý josparyn jariialady.
Eske sala keteiik, keshe Qazaqstannyń syrtqy ister ministrligi Indoneziiadaǵy sý tasqynyna bailanysty kóńil aitqan bolatyn.
