Indoneziia prezidenti Djoko Vidodo dúisenbi kúni elde eki adamnan koronavirýs tabylǵanyn málimdedi, dep habarlaidy Kyodo.
Agenttiktiń málimetinshe, Indoneziiada eki adamnyń synamasy koronavirýsqa oń nátije bergen.
«Indoneziiaǵa kelgen japondyq eki adammen, 64 jastaǵy anasymen jáne onyń 31 jastaǵy qyzymen kezdesken», - dedi Vidodo.
Sondai-aq, ol Indoneziia biliginiń japondyqtyń bailanysqa túsken barlyq adamdardy testileýden ótkizgenin atap ótti. Taiaýda Djakartada bolǵan Japoniia azamatynan COVID-19 27 aqpanda tabylǵan. Ol Kýala-Lýmpýrda turady, dep habarlady Vidodo.
Budan buryn Indoneziia elde eshkimniń koronavirýsqa shaldyqpaǵanyn málimdegen bolatyn. Jeksenbidegi jaǵdai boiynsha, elde 333 adam koronavirýsqa tekserýden ótken. Olardyń barlyǵy, tek ekeýinen basqasy teris nátije kórsetken.
Aita keteiik, atalǵan el Qytaidyń Ýhan qalasynan 238 Indoneziia azamatyn evakýatsiialaǵan. Ótken aptada taǵy 188 Indoneziia azamaty Gonkongta World Dream krýizdik lainerinen evakýatsiialanyp, Sebarý aralynda karantinge ornalastyryldy.
Jeksenbi kúni 69 Indoneziia azamaty Japoniiadaǵy Diamond Princess krýizdik lainerinen evakýatsiialandy. Olar da adam turmaityn aralǵa jetkizilgen edi.
