Indoneziialyq qutqarýshylar juma kúni Bali teńizinde joǵalyp ketken «Nangala» súńgýir qaiyǵyn izdeýdi qaita bastady. Operatsiia aimaǵynda barlyǵy 21 keme, sonyń ishinde tereńdikti barlaityn teńiz apparattary bar okeanografiialyq keme tartyldy, dep habarlaidy Kompas basylymy.
Beisenbi kúni Malaiziia men Singapýrdan izdestirý aimaǵyna súńgýir qaiyqtardy qoldaý jáne qutqarý kemeleri keldi. Singapýrdyń áskeri-teńiz kúshteri senbide Indoneziianyń Bali aralynyń soltústik jaǵalaýyna, al Malaiziiaǵa bir kúnnen keiin keledi dep kútilýde.
Pentagon ókili Djon Kirbi AQSh áýe quraldaryn kómektesýge jiberetinin aitty. Indoneziia áskeri-teńiz kúshteriniń shtab bastyǵy admiral Iýdo Margononyń aitýynsha, bortta ottegi senbi kúngi tańerteńge deiin jetýi múmkin.
Aldyn ala esepteýler boiynsha, sársenbide joǵalǵan súńgýir qaiyq Bali aralynyń soltústik jaǵalaýynan shamamen 90 km qashyqtyqta bolýy yqtimal. Buǵan deiin Indoneziia Qorǵanys ministrligi sýbmarinanyń joiylý aimaǵynda mai daqtary paida bolǵanyn habarlady. Bortynda 53 adam bar «Nangala» dizeldi súńgýir qaiyǵy Bali teńizindegi torpedalyq ushyrýlarǵa qatysqan bolatyn.
