يندونەزييالىق قۇتقارۋشىلار جۇما كٷنٸ بالي تەڭٸزٸندە جوعالىپ كەتكەن «نانگالا» سٷڭگۋٸر قايىعىن ٸزدەۋدٸ قايتا باستادى. وپەراتسييا ايماعىندا بارلىعى 21 كەمە, سونىڭ ٸشٸندە تەرەڭدٸكتٸ بارلايتىن تەڭٸز اپپاراتتارى بار وكەانوگرافييالىق كەمە تارتىلدى, دەپ حابارلايدى Kompas باسىلىمى.
بەيسەنبٸ كٷنٸ مالايزييا مەن سينگاپۋردان ٸزدەستٸرۋ ايماعىنا سٷڭگۋٸر قايىقتاردى قولداۋ جەنە قۇتقارۋ كەمەلەرٸ كەلدٸ. سينگاپۋردىڭ ەسكەري-تەڭٸز كٷشتەرٸ سەنبٸدە يندونەزييانىڭ بالي ارالىنىڭ سولتٷستٸك جاعالاۋىنا, ال مالايزيياعا بٸر كٷننەن كەيٸن كەلەدٸ دەپ كٷتٸلۋدە.
پەنتاگون ٶكٸلٸ دجون كيربي اقش ەۋە قۇرالدارىن كٶمەكتەسۋگە جٸبەرەتٸنٸن ايتتى. يندونەزييا ەسكەري-تەڭٸز كٷشتەرٸنٸڭ شتاب باستىعى ادميرال يۋدو مارگونونىڭ ايتۋىنشا, بورتتا وتتەگٸ سەنبٸ كٷنگٸ تاڭەرتەڭگە دەيٸن جەتۋٸ مٷمكٸن.
الدىن الا ەسەپتەۋلەر بويىنشا, سەرسەنبٸدە جوعالعان سٷڭگۋٸر قايىق بالي ارالىنىڭ سولتٷستٸك جاعالاۋىنان شامامەن 90 كم قاشىقتىقتا بولۋى ىقتيمال. بۇعان دەيٸن يندونەزييا قورعانىس مينيسترلٸگٸ سۋبمارينانىڭ جويىلۋ ايماعىندا ماي داقتارى پايدا بولعانىن حابارلادى. بورتىندا 53 ادام بار «نانگالا» ديزەلدٸ سٷڭگۋٸر قايىعى بالي تەڭٸزٸندەگٸ تورپەدالىق ۇشىرۋلارعا قاتىسقان بولاتىن.
