Almatyda COVID-19 indetin juqtyrǵan 32 adam kóz jumdy. 22 adamnyń ólimine basqa aýrýlar sebep boldy. Bul týraly qala ákimshiligi málimdedi.
Almaty ákimdigi koronavirýstan qaitys bolǵandarǵa arnalǵan ziratqa kim jerlengenin túsindirdi.
"Qalada COVID-19 infektsiiasynan 10 adam kóz jumdy. Qalǵandaryna koronavirýs derti qosalqy diagnoz retinde qoiylǵan. Almatyda mundai 22 adam bar", - dep túsindirdi ákim orynbasary Erlan Qojaǵapanov.
Jýyrda BAQ betinde Almaty oblysy Ile aýdany Qaraoi aýylyna jaqyn mańda ornalasqan COVID-19-dan qaitys bolǵandardy jerleitin poligonda 30 zirat bar ekeni jáne taǵy 12 mola daiyndalyp jatqany jaily aqparat tarady. Taýarlar men qyzmetterdiń sapasyn baqylaý departamenti ol jerde alty adamnyń jerlengenin habarlady.
Mamandar kei jaǵdaida koronavirýs infektsiiasyn juqtyrǵan adamdardyń ólimine basqa aýrý sebep bolatynyn aitady. Sondyqtan qaitys bolǵandar men jerlengen adamdardyń sany ártúrli bolýy múmkin. Ólimniń negizgi sebebi men diagnozy ólimniń sebepterin anyqtaý jónindegi komissiianyń qorytyndysyna sáikes aiqyndalady.
Aita keteiik, naýryzdyń sońynda sanitar dárigerler koronavirýstan qaitys bolǵandarǵa arnalǵan poligondy anyqtady. Zirattyń qalanyń syrtynda ekeni, ainalasynda jaqyn jatqan eldi mekenniń joq ekeni aityldy. Poligon barlyq qaýipsizdik erejeleri boiynsha qaladan oqshaýlanǵan.
Koronavirýstan qaitys bolǵandar qalai jerlenedi?
Koronavirýs juqtyrǵan adam qaitys bolǵan jaǵdaida máiit ashylmaidy jáne krematsiialanbaidy. Máiit dereý dezinfektsiialanady. Sondai-aq bir jerde kómiletin máiit sany belgilengen, odan artyq adamdy bir jerge jerleýge shekteý qoiylǵan.
Asa qaýipti infektsiia bar máiitti kómetin kezde qabyldanatyn barlyq qajetti shara qoldanylady.
Tabytsyz (ulttyq ádet-ǵuryp boiynsha) kómilgen kezde deneni bakteritsidti dezinfektsiialyq eritindini sińdirip alatyn mataǵa oraidy. Sodan keiin denesi polietilen plenkamen oralyp, tyǵyz matamen qaita oralady.
Qaitys bolǵan adamnyń denesi jerleý ornyna metall nemese tyǵyz jabylǵan aǵash tabytpen tasymaldanady.
Jerleý rásimi kezinde denesi, tabyttyń beti jabyq bolýy qajet. Jerleý rásimine marqumnyń jaqyn týystary ǵana qatysa alady.
Tasymaldaý jáne jerleý kezinde qaýipsizdik sharalaryn saqtaý úshin top jasaqtalady, oǵan 5-7 adam kiredi, olarǵa sanitarlyq-epidemiologiialyq qyzmet mamandary erip júredi.
Jerleý protsesine jáne kómýge qatysqan adamdar 14 kún meditsinalyq baqylaýǵa alynady.
Aita keteiik, 26 mamyrdaǵy jaǵdai boiynsha Almatyda koronavirýs infektsiiasy 2 276 adamnan tabyldy, ishinde 1 276 naýqas saýyǵyp shyqty, 10 adam kóz jumdy. El boiynsha COVID-19 infektsiiasy 8 969 adamda anyqtaldy.
