Qazaqstanda koronavirýs indeti eń kóp taraityn kez naýryzdyń sońynda kelýi yqtimal. Mundai boljamdy Úkimet otyrysynda Densaýlyq saqtaý ministri Aleksei Tsoi aitty, dep habarlaidy "Ult aqparat".
«Indetti juqtyrý deńgeii osy jyldyń naýryz aiynyń sońynda kóp tirkelýi múmkin. Optimistik stsenarii boiynsha táýligine 3 myń jaǵdaiǵa deiin kútilýde, al tósek qorynyń barynsha qamtylýy 24 myńǵa deiin jetýi múmkin. Degenmen, atalǵan stsenarii kezinde qatań karantin talaptaryn engizý josparlanyp otyrǵan joq», - dedi Aleksei Tsoi Úkimet otyrysynda.
