Búgin Májilistegi Úkimet saǵatynda depýtat Erlan Barlybaev aýyl sharýashylyǵy maldary arasynda arýlardyń taralýy óskenin aitty, dep habarlaidy QazAqparat.
«Bul rette veterinariia júiesindegi qurylymdyq ózgeristerdiń mańyzdylyǵy týraly aita otyryp, onyń aǵymdaǵy jai-kúiin qolaily dep sipattaýǵa bolmaitynyn atap ótken jón. Munyń basty sebebi – ol bir kezderi biryńǵai veterinariia júiesiniń bytyrańqylyǵyna, veterinariialyq inspektsiianyń qatań vertikaliniń buzylýyna, onyń qadaǵalaý fýnktsionalynyń álsireýine alyp kelgen sońǵy jyldardaǵy reformalar. Veterinariia boiynsha is júzinde barlyq qyzmetter ákimdikterdiń qaramaǵyna berildi. Alaida, jergilikti jerlerdegi veterinariialyq is-sharalar negizinen bólingen biýdjet qarajaty esebinen profilaktika júrgizýmen shekteledi. Búgingi tańda inspektorlar juqpaly emes aýrýlar týraly esep úshin is júzinde jaýapqa tartylmaidy. Janýarlardyń densaýlyǵyn baqylaý úshin eshkim qan biohimiiasyn júrgizbeidi. Biraq bul qolaily epizootiialyq jaǵdai jasaýdyń negizi bolyp sanalady», - dedi Barlybaev.
Onyń aitýynsha, sońǵy jyldary adamdarǵa beriletin janýarlardyń jiti jáne sozylmaly juqpaly aýrýlarynyń ósýi baiqaldy.
«Barlyq jerde qutyrý jáne brýtsellez aýrýlarynyń órshýi baiqalady, osy aýrýlarmen kúreste oń dinamika joq. Mysaly, 2020-2021 jyldary brýtsellez aýrýynyń sany 2% paiyzǵa ósti. Sonymen qatar, sibir jarasy siiaqty aýrýlar 6 ese, leptospiroz - 5 ese, anaerobty enterotoksemiia – 5 ese, virýstyq diareia jáne infektsiialyq rinotrahit – 113% paiyzǵa ósti», - dedi depýtat.
Onyń sózine qaraǵanda, importtyq asyl tuqymdy mal basyn ákelý jónindegi baǵdarlamalardy iske asyrý da kóptegen problemalardy týdyrdy. Olarmen, elge infektsiialyq rinotraheit, bliýtang, nodýliarlyq dermatit, Shmalenberg aýrýy jáne virýstyq diareia siiaqty aýrýlar ákelindi.
«Janýarlardyń juqpaly aýrýlary, olardyń ólimi jáne májbúrli soiý, aýrýlardyń saldarynan ónimdiliktiń tómendeýi, vaktsinatsiialaý jáne emdeý shyǵyndary, sondai-aq karantindik sharalar fermerlerge ǵana emes, sonymen qatar eldiń jaǵdaiyna tikelei ekonomikalyq ziian keltiredi. Sonyń ishinde salanyń eksporttyq áleýetiniń tómendeýine áser etedi», - dedi Erlan Barlybaev.
