Berik Imashev Ortalyq sailaý komissiiasynyń tóraǵasy laýazymyna qaita taǵaiyndaldy.
"Memleket basshysynyń jarlyǵymen Berik Májituly Imashev Qazaqstan Respýblikasy Ortalyq sailaý komissiiasynyń tóraǵasy laýazymyna taǵaiyndaldy", - delingen Aqorda jariialaǵan Jarlyqta.
Aita keteiik, Qazaqstan Prezidenti Ortalyq sailaý komissiiasynyń tóraǵasyn bes jyl merzimge taǵaiyndaidy.
Al qazirgi basshy 2016 jyly 13 qyrkúiekte Ortalyq sailaý komissiiasynyń tóraǵasy qyzmetine taǵaiyndalǵan bolatyn.
Berik Májituly Imashev 1960 jyly 7 maýsymda Almaty qalasynda týǵan. 1982 jyly Lomonosov atyndaǵy Máskeý memlekettik ýniversitetiniń zań fakýltetin bitirdi.
Buǵan deiin Ádilet ministri, Prezident kómekshisi – Qaýipsizdik keńesiniń hatshysy, Prezident ákimshiligi basshysynyń orynbasary boldy.
