Grammy iegeri Imanbek Zeikenov YouTube-kanalynda jańa beineklip jariialady, dep habarlaidy QazAqparat.
Amerikalyq ánshi Salem Ilese-pen birge túsirgen klip Married to your melody dep atalady.
Imanbek Zeikenov pen Salem Ilese birigip jazǵan Married to your melody kompozitsiiasy 9 sáýirde ǵana kópshilikke tanystyrylǵan bolatyn. Araǵa 13 kún salyp kompozitsiianyń beineklipi jariialanyp otyr.
Eske sala keteiik, osy aidyń basynda qazaqstandyq didjei álemdik týryn bastaitynyn habarlaǵan edi.
Ol týr 8 sáýirde Niý-Iorkte bastalyp, 25 qyrkúiekke deiin jalǵasady. Barlyǵy 24 kontsert berý josparlanyp otyr. Týr barysynda Imanbek Kanada, Shvetsiia, Norvegiia, Italiia, AQSh, Germaniia jáne Latyn Amerikasy elderinde kontsert beredi.
