Taiaýda ǵana Grammy syilyǵyn jeńip alǵan Imanbektiń ákesi Marat Súleimenovke birinshi dárejeli «Minsiz qyzmeti úshin» medali tabystaldy, dep habarlaidy "Ult aqparat".
«Naýryz meiramyna orai Aqsý garnizonynyń basshylyǵy Ardagerler keńesiniń jáne departamenttiń jeke quramynyń atynan azamattyq qorǵanys ardageri Marat Súleimenovti merekemen ári uly Imanbek Zeikenovtiń jeńisimen quttyqtap, 1-dárejeli «Minsiz qyzmeti úshin» medalin tabystady», - dep atap ótti Pavlodar oblystyq TJD baspasóz qyzmetinen.
Órtke qarsy qyzmettiń aǵa praporshigi Marat Zeikenuly bul salada 1996 jyldan bastap 2016 jylǵa deiin eńbek etken. Osy ýaqytqa deiingi minsiz qyzmeti úshin QR Tótenshe jaǵdailar ministrliginiń 1, 2, 3-dárejeli vedomstvolyq medaldarymen marapattalǵan.
«Qurmetti Marat Zeikenuly, Aigúl Súiindikqyzy! Uldaryńyz Imanbektiń álemdegi eń mártebeli mýzyka baiqaýyndaǵy jarqyn jeńisimen shyn júrekten quttyqtaimyz. Adamnyń kez kelgen saladaǵy jetistigi onyń eń jaqyn adamdarynyń, bir qaraǵanda baiqala bermeitin kúndelikti kúsh-jigerdiń, eńbektiń, shydamdylyq pen jaýapkershiliktiń nátijesi ekendigi sózsiz. Sizderge zor densaýlyq, otbasylaryńyzǵa amandyq, Imanbekke kásibi jolynda zor tabystar tileimiz. Ol sizderdi jetistikterimen qýanta bersin», - delingen quttyqtaýda.
