Imanbek Zeikenov "Gremmidegi" jeńisinen keiin Energy FM radiostantsiiasyna tikelei efirde suhbat berdi, - dep habarlaidy Tengrinews.kz. Ol radiojúrgizýshige birinshi kezekte ózi týǵan Aqsýǵa baryp, týystarymen jeńisti toilaitynyn aitty.
"Áli kúnge deiin oi jinalǵan joq. Aralas emotsiialar men sezimder. Tek "ýaý". Bári kenetten boldy. Bastapqyda bizge rásim ýaqyty aityldy, biraq ol eki saǵat buryn ótetin boldy. Keńsege bardyq. Kamerany qosyp, tekserdik. Kúttik. (...) Jaqyndarymnan birinshi bolyp súiiktim quttyqtady. Sodan keiin anama habarlastym", - dedi Imanbek.
"Jeńisti qalai atap ótesiń?" degen suraqqa jigit birden týǵan qalasyna baratynyn aitty.
"Bizde soǵym soiý deitin dástúr bar. Jylqy soiyp, jaqyndarymmen birge qýyrdaq jasaimyz. Bir ústelge jinalyp, toilaimyz", - dedi ol.
Aita keteiik, "Gremmi" basty mýzykalyq júldesiniń 63-sharasy onlain ótti. "Gremmige" usynylǵan alǵashqy qazaqstandyq Imanbek jeńimpaz atandy.
Onyń nusqasynda trek hit bolǵanyn jáne 20 aptadan astam ýaqyt qatarynan Billboard Hot 100 úzdik ondyǵynda turdy. Remiks Apple Music-tiń top-10-ǵa kirdi, Shazam mýzykalyq qosymshasynda 22 millionnan astam qaraldy, uzaq ýaqyt boiy "Iandeks. Mýzyka" chartynda birinshi orynǵa ie boldy".
Tanymal bolǵanǵa deiin Imanbek Pavlodar oblysynda (Aqsý qalasy) temirjolshy bolǵan. Mýzykany ózi úirengen. Mýzykanttyń aitýynsha, temirjoldan ketip, mýzykamen ainalysqanyna kóp bolǵan. Ózi Aqsýda turyp jatyr.
