Shariǵat vaktsinalaýǵa qarsy emes. Bul týraly Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly aitty, dep habarlaidy "Ult aqparat".
«Qazaqstan musylmandary dini basqarmasy vaktsinalaý jóninde málimdeme jasady. Jalpy shariǵat vaktsinalaýǵa qarsy emes. Erikti túrde qalaǵan adam ekpe saldyra alady. Alla taǵala qasietti Quranda «Óz qoldaryńmen óz jandaryńa, densaýlyqtaryńa ziian jetkizbeńder» deidi. Sondyqtan, QMDB qarasty kóptegen imamdarymyz vaktsina alǵashqy shyqqan sátten bastap qabyldady. Al ortalyq apparatqa kelsek, dini basqarma qyzmetkerleriniń 90 paiyzǵa jýyǵy vaktsina alyp úlgerdi. Shariǵat el amandyǵy úshin, adamnyń amandyǵy úshin soǵan úndeidi, nasihattaidy», - dep jaýap berdi Bas múfti Ortalyq kommýnikatsiialar qyzmetindegi baspasóz máslihatynda.
