Qazaqstandyq aýyr atlet Ilia Ilinnyń London Olimpiadasynda jeńip alǵan altyn medali besinshi oryn alǵan irandyq Saed Mohammadpýrýǵa buiyrýy múmkin, dep habarlaidy "Ult aqparat" 24.kz arnasyna silteme jasap.
Jaqynda Halyqaralyq aýyr atletika Federatsiiasy (IWF) 2012 jyly ótken London Olimpiadasynda qola medaldy ielengen moldoviialyq Anatolii Kyryktan doping tabylǵanyn habarlaǵan bolatyn.
Osyǵan deiin London Olimpiadasynyń chempiony Ilia Ilin men ekinshi oryn alǵan reseilik Aleksandr Ivanovtan da doping tabylǵany málim boldy. Barlyq aýyr atletter ýaqytsha jarystardan shettetildi. Olarǵa qatysty sheshim áli shyqqan joq. Biraq medaldarynan aiyrý múmkindigi mol. Basqa aýyr atletterge osyǵan deiin dál sondai qatań jaza qoldanylǵan bolatyn.
Eger bul sheshim qabyldansa, Ilianyń altyn medali besinshi oryn alǵan irandyq Saed Mohammadpýrýǵa buiyrady. Al, segizinshi oryn alǵan koreialyq Kim Min Dje kúmis júldeger atansa, toǵyzynshy oryn alǵan polshalyq Tomash Zelinskii qola júldeni qanjyǵaǵa bailaidy.
