Belgili aýyr atlet Ilia Ilin sporttyq karerasyn aiaqtady. Sportshy búgin Qyzylorda qalasyndaǵy «Muz aidyny» sport kesheniniń direktory qyzmetine kiristi, dep habarlaidy "Ult aqparat".
Ilia Ilin 1988 jyly 24 mamyrda Qyzylorda qalasynda dúniege kelgen. Aýyr atlet 2005, 2006, 2011, 2014 jyldary álemniń tórt dúrkin chempiony ataǵyna ie boldy. Eki Olimpiadaǵa qatysyp, joǵary deńgeide óner kórsetti.
«Bul sheshimdi qabyldaý maǵan ońaiǵa soqqan joq. Men Tokio Olimpiadasyna qatysýdy aldyma maqsat etken edim. Degenmen atalǵan dodada belgili sebepterge bailanysty keiinge shegerildi. Sondyqtan men sportshy retinde kareramdy aiaqtap, endi atalǵan salada qyzmet atqarýdy durys dep sanadym. Osylaisha, sport salasynda menedjment máselesin jan-jaqty meńgersem deimin. Keleshekte bapkerlik qyzmetke kelýim de múmkin. Ony ýaqyt kórsete jatar. Qazirgi eń basty mindetim - jańa qyzmette ózimniń qabiletimdi jan-jaqty kórsete bilý», - dedi Ilia Ilin.
Ilia Ilindi qyzmetke taǵaiyndaý barysynda oblys ákiminiń orynbasary Serik Ahmet oblys jurtshylyǵy atynan jyly lebiz bildirdi. Syr óńiri jurtshylyǵy úshin talantty sportshy qai kezde de bedeli biik sańlaq retinde baǵalanady.
