Doping daýynan keiin eki jyl merzimge sporttan shettetilgen qazaqstandyq aýyr atlet, álemniń tórt dúrkin chempiony Ilia Ilin sportqa qaita oraldy, dep habarlaidy QazAqparat tilshisi.
Naqtyraq aitqanda, Ilia Ilindi sporttan shektetý merzimi 2018 jyldyń 10 maýsymynda aiaqtalǵan.
«10 maýsymdy men óte kóp kúttim. Men 24 mamyrda otyz jasqa tolǵan edim. Mamyr aiynda otyzǵa tolyp, qýanyshqa bólengenimmen keshe kúsh pen emotsiiam qaita kóterildi. Sebebi, men ózimniń súiikti isime qaita oraldym. Osy ýaqytqa deiin eńsem túsip júrgenimen, al keshe ózimdi erkin sezingenimdi bildim. Kezekti ret ózime áli de aýyr atletke toimaǵanymdy dáleldedim. Maǵan ziltemir kótergen unaidy. Meni qoldaǵan barlyq otandastarymdy osy qýanyshymmen bóliskim keledi», - deidi sportshy OKQ-da ótken baspasóz máslihatynda.
Ilia Ilinn sondai-aq eń aldymen kimge alǵys bildirgisi keletinin aitty.
«Eń aldymen, álbette, Halyq jáne Prezident. Biraq, búgin Prezidentti Nursultan Ábishuly Nazarbaevqa - ózimniń rýhani ákeme rahmet aitqym keledi. Óte kúrdeli kezeńde - ótken jyly biz EKSPO-da kezdestik. Ol meni ózine tartyp: «Esh ýaiymdama. Sen - men úshin chempionsyń. Bári oidaǵydai bolady. Men saǵan senemin» dep qoldaý bildirdi. Mine, osy sózi meni qanattandyrdy. Álbette, maǵan qoldaý bildirgen barlyq adamdarǵa zor alǵysymdy bildiremin», - dedi Ilia Ilin.
