Qazaqstandyq aýyr atlet Ilia Ilin Instagram paraqshasynda densaýlyǵy týraly aqparatty bólisip, 2020 jyly Tokioda ótetin Olimpiada oiyndarynda altyn medaldy jeńip alýǵa úmit etetinin málimdedi, dep habarlaidy Sports.kz.
«Dárigerge bardym. Sóilestik. Omyrtqa jotamnyń úsh jeri zaqymdanǵan eken. Bálkim, bul týraly post jazatyn shyǵarmyn, oilanyp kóremin. Biraq, dáriger jaqsylap jumys isteý qajet ekenin aitty... Qarapaiym adamǵa múmkin emes, al maǵan bolady. Óitkeni, meniń maqsatym bar, oǵan jetýge tiispin... Aldymen bir ai ziltemirsiz fizioterapiia, em-dom jasap, bulshyqetterimdi somdap, sosyn satylai aýyr atletikaǵa kóshý qajettigin uqtyrdy. Osy jerde onymen kelisemin, kóp rahmet oǵan, ol - jaqsy adam. Men sportshymyn, tek alǵa júrýge tiispin. Komandam jaqsy, olar maǵan kómektesedi, búkil elim qoldap turǵanda, altyn medaldy jeńip alamyz! Barshańyzǵa meni ýaiymdap, qoldaǵandaryńyz úshin kóp rahmet! Bul men úshin asa mańyzdy! Tokio Olimpiadasyna qarai jylji beremiz», - dep jazdy Ilin.
