قازاقستاندىق اۋىر اتلەت يليا يلين Instagram پاراقشاسىندا دەنساۋلىعى تۋرالى اقپاراتتى بٶلٸسٸپ, 2020 جىلى توكيودا ٶتەتٸن وليمپيادا ويىندارىندا التىن مەدالدى جەڭٸپ الۋعا ٷمٸت ەتەتٸنٸن مەلٸمدەدٸ, دەپ حابارلايدى Sports.kz.
«دەرٸگەرگە باردىم. سٶيلەستٸك. ومىرتقا جوتامنىڭ ٷش جەرٸ زاقىمدانعان ەكەن. بەلكٸم, بۇل تۋرالى پوست جازاتىن شىعارمىن, ويلانىپ كٶرەمٸن. بٸراق, دەرٸگەر جاقسىلاپ جۇمىس ٸستەۋ قاجەت ەكەنٸن ايتتى... قاراپايىم ادامعا مٷمكٸن ەمەس, ال ماعان بولادى. ٶيتكەنٸ, مەنٸڭ ماقساتىم بار, وعان جەتۋگە تيٸسپٸن... الدىمەن بٸر اي زٸلتەمٸرسٸز فيزيوتەراپييا, ەم-دوم جاساپ, بۇلشىقەتتەرٸمدٸ سومداپ, سوسىن ساتىلاي اۋىر اتلەتيكاعا كٶشۋ قاجەتتٸگٸن ۇقتىردى. وسى جەردە ونىمەن كەلٸسەمٸن, كٶپ راحمەت وعان, ول - جاقسى ادام. مەن سپورتشىمىن, تەك العا جٷرۋگە تيٸسپٸن. كوماندام جاقسى, ولار ماعان كٶمەكتەسەدٸ, بٷكٸل ەلٸم قولداپ تۇرعاندا, التىن مەدالدى جەڭٸپ الامىز! بارشاڭىزعا مەنٸ ۋايىمداپ, قولداعاندارىڭىز ٷشٸن كٶپ راحمەت! بۇل مەن ٷشٸن اسا ماڭىزدى! توكيو وليمپياداسىنا قاراي جىلجي بەرەمٸز», - دەپ جازدى يلين.
