Tailandtyń Pattaiia qalasynda aýyr atletikadan ótip jatqan álem chempionatynda Ilia Ilin júldesiz qaldy, dep habarlaidy "Ult aqparat".
Atalǵan birinshilikte búgin 96 keli salmaqta Ilia Ilin synǵa tústi. Alaida ol álem chempionatyn bar bolǵany 13-shi orynmen aiaqtady. Ol qossaiys qorytyndysy boiynsha (168+195) 363 kelini baǵyndyrdy.
Esterińizge sala keteiik, aýyr atletikadan álem chempionatynda osyǵan deiin 55 keli salmaqta qazaqstandyq Igor Son kúmis júldeger atanǵan bolatyn.
Sondai-aq, erler arasynan Arli Chontei (55), Nijat Rahimov, Aidar Qazov (81) pen Denis Ulanov (89) synǵa túsip barlyǵy júldeli oryndarǵa qol jetkize almady. Al áielderden baq synaǵan Zýlfiia Chinshanlo (55) tórtinshi orynǵa ie bolsa, Ekaterina Bykova (71) jetinshi orynmen álem birinshiligin aiaqtady.
Endi, Qazaqstan quramasy sapynan 26 qyrkúiekte sońǵy bolyp jarys alańyna Ibragim Bersanov (109 keli) shyǵady.
