SpaceX jáne Tesla joǵary tehnologiialy kompaniialarda úlesi bar Ilon Mask álemdegi eń bai adamǵa ainaldy. Onyń dáýleti 300 milliard dollardan asty, dep habarlaidy QazAqparat Business Today-ǵa silteme jasap.
Forbes jáne Bloomberg Billionaires Index (BBI) reitingteri boiynsha, amerikandyq Tesla elektromobilderin shyǵarýshy kompaniia aktsiialarynyń kúrt ósiminiń arqasynda Masktyń dáýleti bir kúnniń ishinde 17,1 milliard dollarǵa artyp, 315 milliard dollarǵa jetken. Óz kezeginde Bloomberg agenttigi Masktyń dáýletin 335 milliard dollarǵa baǵalap otyr.
Sondai-aq eń bai adamdar «úshtigine» Amazon negizin qalaýshy Djeff Bezos (193,2 milliard dollar) jáne dáýleti 190,8 milliard dollarǵa baǵalanyp otyrǵan Frantsiianyń LVMH kompaniialar tobynyń bas direktory Bernar Arno kirdi.
Eske sala ketsek, qazan aiynyń sońynda Mask adamzat tarihynda eń bai adam atalǵan, al onyń dáýleti 270 milliard dollarǵa jetti.
