Tesla jáne SpaceX kompaniialarynyń negizin qalaýshy Ilon Mask Forbes qurastyratyn qazirgi ýaqyttaǵy álemdegi eń bai adamdardyń reitinginde kósh bastady, dep habarlaidy QazAqparat.
Masktyń dáýleti 200 milliard dollardan asyp, naryqtar jabylǵan kezde 203,4 milliard dollardy qurady.
Reitingide ekinshi orynda Amazon-nyń negizin qalaýshy Djeff Bezos tur. Onyń bailyǵyn Forbes 197,7 milliard dollarǵa baǵalady. Tizimdegi úshinshi orynda 175,2 milliard dollarlyq dáýleti bar Louis Vuitton iesi Bernar Arno tur.
Qańtarda Mask Bezosty basyp ozyp edi, alaida ol birinshi ornyn saqtap qala almaǵan bolatyn.
Forbes atap ótkendei, Masktyń dáýleti Tesla aktsiialarynyń turaqty ósýinen keiin artty. Olar 2%-ǵa qymbattap, 2021 jyldyń aqpan aiynan bastap jabylǵan kezdegi eń joǵary baǵasyna – 791,36 dollarǵa jetti.
