Tesla jáne SpaceX kompaniialarynyń basshysy amerikalyq milliarder Ilon Mask Qazaqstanǵa sálem joldady. Videony biznesmen, bloger Beibit Álibekov Telegram-arnasynda jariialady, - dep habarlaidy Tengrinews.kz.
Ilon Mask Tesla Motors qyzmet kórsetý ortalyǵy Qazaqstanda 2021 jyldyń sońynda, ne kelesi jyly ashylatynyn aitty.
"AQSh-taǵy tilshimiz Ánýarbek Imanbaev Tesla Plaid tusaýkeserinen video jiberdi. Ilon Mask oǵan Tesla Motors qyzmet kórsetý ortalyǵy Qazaqstanda jyldyń sońynda nemese kelesi jyly ashylatynyn aitty. Ilan Gigafactory Kazakhstan týraly suraqtan qashyp, Tehas pen Berlindi eske aldy", - dep jazdy Beibit Álibekov.
Buǵan deiin Tesla Almatyda qyzmet kórsetý ortalyǵyn ashýy múmkin ekeni habarlanǵan bolatyn. Tesla resmi saityndaǵy kartaǵa súiensek, servis ortalyǵy Baitursynov kóshesi men Abai dańǵyly qiylysynda ornalasady.
2019 jyly Ilon Qazaqstanda elektromobilderge arnalǵan qyzmet kórsetý ortalyqtary men qýattaý stantsiialaryn ashatynyn aitqan edi. Keiin amerikalyq milliarder Ilon Mask Qazaqstanǵa, Reseige jáne TMD-nyń basqa elderine Tesla resmi túrde keletinin aitqan bolatyn.
